Prishtinë, 27 mars 2024 – Të mërkurën, studentët e Programit të Klinikës Ligjore të Institutit të Kosovës për Drejtësi (IKD), të shoqëruar nga Udhëheqësja e Programit të Klinikës Ligjore, znj. Arrita Rezniqi, kanë vizituar Agjencinë për Informim dhe Privatësi (AIP).
Ata janë pritur nga Komisionerja e AIP-së, znj. Krenare Sogojeva Dërmaku dhe Drejtorja e Përgjithshme e Agjencisë, znj. Lumnije Demi.
Komisionerja e AIP-së i ka informuar studentët mbi rolin e AIP-së përkitazi me Ligjin për Qasje në Dokumente Publike, si dhe atë për Mbrojtjen e të Dhënave Personale. Po ashtu, gjatë këtij bashkëbisedimi, Komisionerja ka njoftuar studentët edhe me raste nga praktika, si dhe i ka inkurajuar ata që të raportojnë rastet në çdo rast të cenimit të të drejtave të tyre.
Në anën tjetër, studentët patën mundësi që t’i parashtrojnë pyetje Komisioneres lidhur me procedura të caktuara dhe çështje të tjera aktuale përkitazi me mbrojtjen e privatësisë.
Kjo vizitë është realizuar me qëllim të ofrimit të qasjes praktike për studentët e rinj, pjesëmarrës të Klinikës Ligjore të IKD-së dhe ngritjen e njohurive profesionale për sistemin e drejtësisë në Kosovë.
Krahas kësaj, pjesëmarrësit e Klinikës Ligjore të IKD-së, janë pjesë e aktiviteteve të tjera si programi trajnues, i cili ka për qëllim ngritjen e njohurive profesionale të studentëve të rinj, pastaj procesi i monitorimit dhe pjesëmarrja e drejtpërdrejtë në procesin e punës së ofrimit të ndihmës juridike nga Qendra për Ndihmë Juridike falas e IKD.
Ky aktivitet është bërë i mundur nga mbështetja bujare e popullit amerikan nëpërmjet Agjencisë së Shteteve të Bashkuara për Zhvillim Ndërkombëtar (USAID).
Prishtinë, 05 mars 2024 – Studentët e grupit të gjashtë të Klinikës Ligjore të Institutit të Kosovës për Drejtësi (IKD), të martën, kanë përfunduar me sukses edhe aktivitetin e fundit, duke bërë prezantimin e një seance të simuluar gjyqësore në Gjykatën Themelore në Prishtinë.
Rasti i simuluar është ndërtuar dhe prezantuar nga studentët pjesëmarrës nën mentorimin e stafit të Qendrës për Edukim Profesional të IKD-së. Ndërsa pas përmbylljes së programit, të njëjtit janë pajisur me certifikata për pjesëmarrje të suksesshme në programin e Klinikës Ligjore të IKD-së.
Në kuadër të këtij programi, studentët kanë përfituar njohuri praktike mbi funksionimin e sistemit të drejtësisë, përmes pjesëmarrjes në shumë aktiviteteve, si: programi trajnues, i cili ka për qëllim ngritjen e njohurive profesionale të studentëve të rinj përmes trajnimeve, punëtorive, e diskutimeve të ndryshme, pastaj procesi i monitorimit, vizitat në institucione të ndryshme të sistemit të drejtësisë, si dhe pjesëmarrja e drejtpërdrejtë në procesin e punës së ofrimit të ndihmës juridike falas nga Qendra për Ndihmë Juridike e IKD-së.
Programi i Klinikës Ligjore të IKD-së mbështetet nga fondet programatike të Kombeve të Bashkuara në Kosovë.
Prishtinë, 15 shkurt 2024 – Qendra për Edukim Profesional e Institutit të Kosovës për Drejtësi në bashkëpunim me Programin e USAID-it Drejtësia Komerciale kanë organizuar punëtorinë e tretë për këtë grup të studentëve të Klinikës Ligjore të IKD-së.
Tema e trajtuar përgjatë kësaj punëtorie të së hënës ishte “Gjykata Komerciale dhe rëndësia e drejtësisë komerciale”, që u ligjërua nga nënkryetarja e Gjykatës Komerciale, gjyqtarja Saranda Bogaj – Sheremeti.
Pjesëmarrës në këtë punëtori ishin studentët, të cilët janë pjesë e Klinikës Ligjore të IKD-së dhe të njëjtit u informuan nga gjyqtarja Bogaj – Sheremeti mbi themelimin, kompetencën dhe funksionimin e Gjykatës Komerciale, mënyrën e trajtimit dhe llojet e lëndëve që pranohen në këtë gjykatë, aspektin praktik të punës, rëndësinë e të drejtës komerciale, sfidat dhe në përgjithësi zhvillimin që ka pasur e drejta komerciale në vendin tonë.
Studentët pjesëmarrës patën mundësinë të parashtrojnë pyetje dhe kuptojnë më shumë lidhur me çështje të caktuara që përfshijnë drejtësinë komerciale.
Kjo punëtori është mbajtur në gjuhën shqipe, ndërsa për pjesëmarrësit serb, ka pasur përkthim simultan në gjuhën serbe.
Ky aktivitet është organizuar në kuadër të programit trajnues, i cili ka për qëllim ngritjen e njohurive profesionale të studentëve të rinj, pjesëmarrës të Klinikës Ligjore të IKD, për sistemin e drejtësisë në Kosovë.
Krahas kësaj, pjesëmarrësit e Klinikës Ligjore të IKD-së, janë pjesë e aktiviteteve të tjera si vizitat në institucione të ndryshme të sistemit të drejtësisë, pastaj procesi i monitorimit të seancave gjyqësore dhe pjesëmarrja e drejtpërdrejtë në procesin e punës së ofrimit të ndihmës juridike nga Qendra për Ndihmë Juridike falas e IKD.
Programi i Klinikës Ligjore të IKD-së mbështetet nga fondet programatike të Kombeve të Bashkuara në Kosovë.
Prishtinë, 30 janar 2024 – Qendra për Edukim Profesional e Institutit të Kosovës për Drejtësi në bashkëpunim me Programin e USAID-it Drejtësia Komerciale ka organizuar punëtorinë e dytë për grupin aktual të studentëve të Klinikës Ligjore të IKD-së.
Temat e trajtuara përgjatë kësaj punëtorie ishin “Ndërmjetësimi dhe zgjidhja e mosmarrëveshjeve sipas procedurës së ndërmjetësimit” dhe “Arbitrazhi dhe zgjidhja e mosmarrëveshjeve sipas procedurës së arbitrazhit”, që u ligjërua nga ndërmjetësuesi dhe arbitri z. Ilir Gaxha.
Pjesëmarrës në këtë trajnim ishin studentët të cilët janë pjesë e Klinikës Ligjore të IKD-së dhe të njëjtit patën mundësi të kuptojnë më tepër mbi zgjidhjen alternative të kontesteve, rolin e ndërmjetësuesve, mënyrën e trajtimit të rasteve të tilla, por edhe të diskutojnë raste nga praktika. Njëkohësisht, studentët mësuan edhe për arbitrazhin si formë alternative të zgjidhjes së kontesteve, procedurën në përgjithësi, rastet e mundshme për t’u zgjidhur përmes arbitrazhit, rolin e arbitrit dhe aspekte të tjera praktike.
Studentët pjesëmarrës patën mundësinë të parashtrojnë pyetje dhe të shprehin interesimin e tyre për zgjerimin e mëtejmë të njohurive lidhur me këto tema.
Kjo punëtori është mbajtur në gjuhën shqipe, ndërsa për pjesëmarrësit serb, ka pasur përkthim
simultan në gjuhën serbe.
Ky aktivitet është organizuar në kuadër të programit trajnues, i cili ka për qëllim ngritjen e njohurive profesionale të studentëve të rinj, pjesëmarrës të Klinikës Ligjore të IKD, për sistemin e drejtësisë në Kosovë.
Krahas kësaj, pjesëmarrësit e Klinikës Ligjore të IKD-së, janë pjesë e aktiviteteve të tjera si vizitat në institucione të ndryshme të sistemit të drejtësisë, pastaj procesi i monitorimit të seancave gjyqësore dhe pjesëmarrja e drejtpërdrejtë në procesin e punës së ofrimit të ndihmës juridike nga Qendra për Ndihmë Juridike falas e IKD.
Programi i Klinikës Ligjore të IKD-së mbështetet nga fondet programatike të Kombeve të Bashkuara në Kosovë.
Prishtinë, 29 janar 2024 – Qendra për Ndihmë Juridike e Institutit të Kosovës për Drejtësi (QNJ-IKD) të hënën ka organizuar një takim me qëllim të shprehjes së mirënjohjes për të gjithë avokatët që janë treguar të gatshëm për bashkëpunim dhe trajtim të rasteve pro-bono në kuadër të QNJ-IKD për vitin 2023.
Gjatë kësaj ngjarje, koordinatorja e QNJ-IKD, Arrita Rezniqi ka shprehur mirënjohjen për të gjithë avokatët për bashkëpunimin e ofruar, si dhe ka bërë një prezantimin të shkurtër të punës së QNJ-IKD për vitin 2023, pas së cilës secilit prej avokatëve u janë ndarë mirënjohje.
Në anën tjetër, avokatët pjesëmarrës në këtë takim janë deklaruar të gatshëm edhe për bashkëpunim të mëtejmë dhe janë shprehur mirënjohës për përkrahjen e marrë nga QNJ-IKD dhe bashkëpunimin e frytshëm. Vetëm gjatë vitit të kaluar, përmes këtij bashkëpunimi me avokatët, QNJ-IKD ka pranuar zotim për trajtimin e rreth 100 rasteve pro-bono nga avokatët në të gjitha rajonet e Kosovës.
Ndryshe, që nga themelimi, QNJ-IKD ka trajtuar raste të rreth 3,000 palëve nga kategori të ndryshme.
Qëllimi kryesor i QNJ-IKD është ofrimi i mundësive të barabarta për të gjithë qytetarët e Kosovës për qasje në drejtësi, si dhe të respektohen të drejtat dhe liritë e njeriut në pajtim me standardet dhe parimet e përcaktuara me Kushtetutën e Republikës së Kosovës dhe instrumentet ndërkombëtare të aplikueshme në Kosovë.
Prishtinë, 26 janar 2024 – Studentët e Programit të Klinikës Ligjore të Institutit të Kosovës për Drejtësi (IKD), të shoqëruar nga Udhëheqësja e Programit të Klinikës Ligjore, znj. Arrita Rezniqi, kanë vizituar të premten Komisionin e Pavarur të Mediave (KPM).
Ata janë pritur nga Kryetari i KPM-së, z. Jeton Mehmeti dhe U.D. Kryeshefi Ekzekutiv i KPM-së, z. Faruk Rexhaj.
Kryetari dhe U.D. Kryeshefi i kanë informuar studentët mbi rolin e KPM-së, të drejtat e qytetarëve për parashtrimin e ankesave, mënyrën e trajtimit të këtyre ankesave, procesin e licencimit të mediave dhe çështje të tjera të ndërlidhura me punën e KPM-së. Të gjitha këto janë sqaruar për studentët duke ndarë edhe raste nga praktika.
Në anën tjetër, studentët patën mundësi që të parashtrojnë pyetje dhe të sqarojnë dilema të ndryshme mbi situata të caktuara të aktivitetit medial në Kosovë, procedurën e ankesave, si dhe çështje të tjera të ndërlidhura me edukimin medial dhe punën e mediave në vend.
Kjo vizitë është realizuar me qëllim të ofrimit të qasjes praktike për studentët e rinj, pjesëmarrës të Klinikës Ligjore të IKD-së dhe ngritjen e njohurive profesionale për sistemin e drejtësisë në Kosovë.
Krahas kësaj, pjesëmarrësit e Klinikës Ligjore të IKD-së, janë pjesë e aktiviteteve të tjera si programi trajnues, i cili ka për qëllim ngritjen e njohurive profesionale të studentëve të rinj, pastaj procesi i monitorimit dhe pjesëmarrja e drejtpërdrejtë në procesin e punës së ofrimit të ndihmës juridike nga Qendra për Ndihmë Juridike falas e IKD.
Programi i Klinikës Ligjore të IKD-së mbështetet nga fondet programatike të Kombeve të Bashkuara në Kosovë.
Prishtinë, 25 janar 2024 – Në kuadër të Javës së Mbrojtjes së të Dhënave Personale, studentët e Programit të Klinikës Ligjore të Institutit të Kosovës për Drejtësi (IKD), të shoqëruar nga Udhëheqësja e Programit të Klinikës Ligjore, znj. Arrita Rezniqi, kanë vizituar të enjten Agjencinë për Informim dhe Privatësi (AIP).
Ata janë pritur nga Komisionerja e AIP-së, znj. Krenare Sogojeva Dërmaku dhe Drejtorja e Përgjithshme e Agjencisë, znj. Lumnije Demi.
Komisionerja dhe Drejtorja e AIP-së i kanë informuar studentët mbi rolin e AIP-së, të drejtat e qytetarëve për qasjen në dokumente publike dhe mbrojtjen e privatësisë. Të gjitha këto çështje janë shoqëruar edhe me raste nga praktika, si dhe i kanë inkurajuar studentët që të raportojnë rastet e tyre në çdo rast të cenimit të të drejtave të tyre.
Në anën tjetër, studentët patën mundësi që t’i parashtrojnë pyetje Komisioneres dhe Drejtores së AIP-së, lidhur me raste, procedura të caktuara dhe çështje të tjera aktuale lidhur me mbrojtjen e privatësisë.
Kjo vizitë është realizuar me qëllim të ofrimit të qasjes praktike për studentët e rinj, pjesëmarrës të Klinikës Ligjore të IKD-së dhe ngritjen e njohurive profesionale për sistemin e drejtësisë në Kosovë.
Krahas kësaj, pjesëmarrësit e Klinikës Ligjore të IKD-së, janë pjesë e aktiviteteve të tjera si programi trajnues, i cili ka për qëllim ngritjen e njohurive profesionale të studentëve të rinj, pastaj procesi i monitorimit dhe pjesëmarrja e drejtpërdrejtë në procesin e punës së ofrimit të ndihmës juridike nga Qendra për Ndihmë Juridike falas e IKD.
Programi i Klinikës Ligjore të IKD-së mbështetet nga fondet programatike të Kombeve të Bashkuara në Kosovë.
Prishtinë, 20 dhjetor 2023 – Qendra për Edukim Profesional e Institutit të Kosovës për Drejtësi në bashkëpunim me Programin e USAID-it Drejtësia Komerciale ka organizuar punëtorinë e parë për grupin e radhës të Klinikës Ligjore.
Tema e trajtuar përgjatë kësaj punëtorie ishte “Barazia gjinore në fushën e drejtësisë komerciale”, që u prezantua për studentët nga znj. Edona Hajrullahu, specialiste e çështjeve gjinore në Programin Drejtësia Komerciale dhe znj. Leonora Selmani, shefe e Divizionit për Legjislacion në Agjencinë për Barazi Gjinore.
Pjesëmarrës në këtë trajnim ishin studentët të cilët janë pjesë e Klinikës Ligjore të IKD-së dhe të njëjtit patën mundësi të kuptojnë më tepër për rolin dhe proceset e arritjes së barazisë gjinore, politikat e ndërmarra dhe të planifikuara, rëndësinë e masave afirmative për arritjen e barazisë gjinore dhe në përgjithësi përfaqësimin e grave në profesionet e lira, odat respektive, si dhe Gjykatën Komerciale të Kosovës.
Paraprakisht, në një fjalë rasti për studentët, zv. drejtori i programit të USAID për drejtësinë komerciale, z. Qemajl Mamullakaj, tregoi qëllimin e Programit Drejtësia Komerciale në barazinë gjinore, hapat që kanë ndërmarrë dhe planifikimet për më tutje në këtë drejtim.
Studentët pjesëmarrës patën mundësinë të parashtrojnë pyetje dhe ndajnë idetë e tyre lidhur me këtë çështje, duke bërë kështu që kjo punëtori të ishte mjaft interaktive.
Ky aktivitet është organizuar në kuadër të programit trajnues, i cili ka për qëllim ngritjen e njohurive profesionale të studentëve të rinj, pjesëmarrës të Klinikës Ligjore të IKD, për sistemin e drejtësisë në Kosovë.
Krahas kësaj, pjesëmarrësit e Klinikës Ligjore të IKD-së, janë pjesë e aktiviteteve të tjera si vizitat në institucione të ndryshme të sistemit të drejtësisë, pastaj procesi i monitorimit të seancave gjyqësore dhe pjesëmarrja e drejtpërdrejtë në procesin e punës së ofrimit të ndihmës juridike nga Qendra për Ndihmë Juridike falas e IKD.
Programi i Klinikës Ligjore të IKD-së mbështetet nga fondet programatike të Kombeve të Bashkuara në Kosovë.
Prishtinë, 20 nëntor 2023 – Instituti i Kosovës për Drejtësi (IKD) të hënën ka filluar punën me studentët e Klinikës Ligjore të Institutit të Kosovës për Drejtësi.
Të hënën është mbajtur një sesion informues lidhur me aktivitetet që do të zhvillohen përgjatë javëve të Klinikës Ligjore, mundësitë që do t’i kenë tutje, si dhe është diskutuar për pritshmëritë e tyre nga ky program.
Ky aktivitet zhvillohet në kuadër të programit të Klinikës Ligjore të Qendrës për Edukim Profesional të IKD-së, me mbështetjen e fondeve të UNMIK-ut.
Krahas kësaj, pjesëmarrësit e Klinikës Ligjore të IKD gjatë pesëmbëdhjetë javëve në vijim, do të jenë pjesë e aktiviteteve të tjera si puna praktike përmes ofrimit të ndihmës juridike falas, procesi i monitorimit në gjykata, vizitat nëpër institucione të caktuara, trajnimet profesionale, punëtoritë me tema të ndryshme dhe ndërtimi e prezantimi i një rasti gjyqësor në formë të gjykimit të simuluar.
Prishtinë, 20 nëntor 2023 – Të hënën, Instituti i Kosovës për Drejtësi dhe Shoqata e Prindërve të Vetëm kanë lidhur marrëveshje bashkëpunimi, duke vlerësuar rëndësinë e bashkëpunimit për avancimin e pozitës dhe respektimit të lirive dhe të drejtave të prindërve të vetëm në Kosovë.
Kjo marrëveshje bashkëpunimi u nënshkrua nga znj. Arrita Rezniqi, Menaxhere e Programit në IKD dhe Koordinatore e Qendrës për Ndihmë Juridike falas të IKD-së dhe znj. Arjeta Gashi, Drejtore e Shoqatës së Prindërve të Vetëm.
Qëllimi i kësaj marrëveshje është promovimi dhe respektimi i të drejtave dhe lirive të prindërve të vetëm në Kosovë, përmes ofrimit të ndihmës juridike falas, monitorimit të seancave gjyqësore, si dhe aktiviteteve të tjera me qëllim të shkëmbimit të ekspertizës përkitazi me të drejtat e prindërve të vetëm në Kosovë.
Ndryshe, IKD përmes Qendrës për Ndihmë Juridike falas, në vazhdimësi ka përkrahur dhe ofruar ndihmë juridike falas për prindërit e vetëm, me theks të veçantë për nënat vetushqyese.